Polisie behaal sukses met vonnisse
Uitstekende ondersoekwerk en getuienislewering deur lede van die Da Gamaskop-polisie het gelei tot die skuldigbevinding en vonnisoplegging van twee misdadigers in die plaaslike landdroshof.
Op 15 September 2015 om 07:00 het 'n man, Indiphile Shasha (23) nadat hy by sy werk in die pad gesteek is, om 13:00 opgedaag om sy betaling te eis. Hy het 'n vrou op die perseel met 'n mes gedreig en 'n kontantbedrag uit die kasregister geneem. Adjudant-offisier Craig Desmore het die man inhegtenis geneem en op die kontant bedrag beslag gelê. Shasha is op 11 Oktober in die Mosselbaai-streekhof tot vyf jaar gevangenisstraf gevonnis weens roof met verswarende omstandighede.
Die saak is suksesvol ondersoek deur kst Nelly Manyhonta van die speurafdeling.
Op Sondag 3 Junie 2018 om 21:30 het twee lede van die Da Gamaskop-polisie, sers Dayle Brandt en konst Lionel Blaauw 'n suksesvolle optrede teen misdaad gedoen in Qoqostraat in die Joe Slovo-woongebied. 'n Beskuldigde, Manwasi Mapu is in hegtenis geneem vir die besit van sewe mandraxtablette. Op 10 Oktober is die beskuldigde in die streekhof op Mosselbaai gevonnis tot drie jaar gevangenisstraf.
Die saak is suksesvol ondersoek deur sers Sonja du Plessis van die stasie se speurafdeling. Die waarnemende stasiebevelvoerder, lt kol Maurice van Egmond het die lede gelukgewens met hulle goeie werk.