Salongroep glo vas aan motivering en beloning
Die Dos Santos-groep, bestaande uit Perfect Hair, verskaffer van Perfecthaarprodukte, -verslankingsprodukte en -gesondheidsreeks, Leonora’s Body and Skincare Clinic en Chane’s Unisex Hair Salon, glo daaraan dat ‘n jaar se toegewyde en harde werk, met ‘n beloning afgesluit moet word.
Hierdie beloning is hulle jaareindfunksie wat vanjaar op 2 November by Ponto Grille & Carvery gehou is.
Dis reeds die derde jaar wat die groep hul jaar se sukses op hierdie manier vier. Ricky dos Santos, eienaar van die groep, ontwikkel graag lojale en trotse werknemers. Sy het jare se ervaring in die skoonheidsbedryf en is ‘n dinamiese entrepreneur. “Ek begin besighede met die bedoeling om werkloosheid teen te werk en vir mense geleenthede te skep,” sê sy. In die proses, het sy ‘n uitmuntende span gebou in die ondernemings in die groep.
Tydens die geleentheid is die wenners in verskillende kategorieë beloon met ‘n sertifikaat en ‘n kontantprys. Cecile Strydom is benoem as die werknemer wat die beste vordering en groei getoon het. Die toekenning vir die mees hardwerkende en toegewyde werknemer is ingepalm deur Chane de Sousa. Tercia Muller is bekroon as bestuurder van die jaar met Mugelaine Lewack wat die persoonlikheidstoekenning ontvang het. Die Elite-werknemer van die jaar, wat die groep se waardes met uitnemendheid uitleef, is Linda Muller. Mariska Calitz, bestuurder van Perfect Hairhoofkantoor en haar span het die toekening ontvang vir besigheid van die jaar.
“Alle mense het motivering nodig, daarom vier ons by die Dos Santos-groep ons suksesse.”
Meer foto’s is aanlyn beskikbaar by www. mosselbayadvertiser.com
Vir meer inligting oor die groep, kontak Ricky (076 302 3455), die hoofkantoor
- 044 693 0406 of stuur e-pos na rickydossantos101@gmail.com