BoereTROOS
Volgens die Suid-Afrikaanse Weerdiens kan daar in die somer 2019/2020 gereed gemaak word vir die impak van reënvalsyfers laer as normaal en bo normale temperature. Te midde van die knellende droogte is dit allermins ‘n blye vooruitsig vir die feesseisoen. Juis om hierdie rede, is die uitkoms wat gister danksy ‘n plaaslike inisiatief aan boere gebied is, ‘n welkome en tydige verligting. Die Mosselbaai munisipaliteit het ingesamelde water afgelewer waar die waternood op sy hoogste i sonder die landbougemeenskappe van Buisplaas, Herbertsdale, Hamelkop en Ruiterbos. Hierdie areas is geïdentifiseer na aanleiding van ‘n behoeftebepaling in samewerking met georganiseerde landbou. Die aflewering sluit in 5l verpakte water wat vir huishoudelike gebruik, asook sowat 100 kiloliter massa watervoorsiening, geborg deur die sakegemeenskap van Mosselbaai en wat vir vee aangewend sal kan word. Hierdie water is op plase aan boere en ook plaaswerkers versprei.
Samewerking
Die nood aan grootmaatwater is danksy samewerking tussen georganiseerde besigheid, die Mosselbaai-gemeenskap s polisieforum en verskeie buurt wagte aangespreek. Grootmaatwater is aangekoop danksy borgskappe vanuit die sakegemeenskap. Die grootmaatwater is aangekoop waarna kwitansies by die munisipale hoofgebou uitgereik en by die brandweer afgegee is. Die vervoer is ook geborg en vragmotors asook watertenklorries is beskikbaar gestel. Onderhandelinge met van die visfabrieke het gevolg om houers te bekom waarin water getap kan word.
Verder het die inisiatief danksy onder andere sosialemediaplatforms organies gegroei met skole, kleuterskole, winkels, die ACVV en ander instansies wat water help versamel het.
Water is deurnag by die brandweer ontvang en daar is ook addisionele waterversamelpunte verskaf. Hulporganisasies soos die Rotariërklub en die Tafelronde het ook ruim bygedra.
Besighede wat oor vragmotors en waterhouers beskik, is verantwoordelik vir die verspreiding van die water.
Die beplanning is dat water getap sal word totdat die borgskap uitgeput is of daar nie meer kapasiteit op die vragmotors is nie.
Logistiek
Die eerste vragmotors het gisteroggend om 07:00 begin water tap by die gemeterde kraan in Schoemanstraat by die brandweer.
Teen ongeveer 10:00 het die vragmotors in konvooi onder begeleiding van die provinsiale verkeersdiens vertrek tot by
Danabaai waar dit op die N2 in verskillende rigtings na die afsetpunte beweeg het.
Uit die aard van die saak, was logistieke beplanning van meet af aan van kardinale belang. Nie net vir die versamel en vervoer van die water nie, maar ook wat betref die suksesvolle aflewering daarvan.
Daar moes voorsiening gemaak word dat die water geskik geberg sal kan word.
Vir die oortap van water in die houers wat op die plase beskikbaar is, moes seker gemaak word dat die nodige pompe, kragopwekkers, pype en koppelstukke beskikbaar is.
Voortgesette hulp
In reaksie op die projek was daar kritiek dat Mosselbaaiers voel hulle moet meer opdok vir water, wanneer tienduisende liter water uit die bestaande voorraad aan landbouers weggegee word. Daar moet egter in gedagte gehou word dat hierdie landbougemeenskappe wan grondwater en reën afhanklik is vir huisgebruik. Die Mossel Bay Advertiser het onlangs berig oor die waternood op plase, by name in die Herbertsdale-omgewing.
In die gebiede waar water afgelaai word, is kraanwater nie meer beskikbaar nie en word daar al maande lank dorp te gery om water te koop vir huishoudelike gebruik, selfs vir die spoel van toilette.
Volgens aanvanklike berekening sou daar 8 kiloliter water in grootmaat aangeskaf en versprei word, maar die uiteindelike som was ‘n meer realistiese 100 kiloliter noodsaaklik.
Indien minder water versprei kan word as wat geborg is, sal die restant oorgehou word tot ‘n latere aksie, aangesien die projek nie ‘n eenmalige uitreik is nie.
Watersekerheid
Die Mosselbaai-munispaliteit het bevestig dat die dorp nie bekommerd is oor die komende seisoen se toevloei van vakansiegangers in terme van die druk wat dit op die watervoorraad sal plaas nie.
Die dorp het juis watersekerheid vanweë die ontsoutingsaanleg. Die water drive is bedoel om verligting vir spesifieke droogte-areas aan te spreek, maar damme is steeds (vandag nog) bo die 50% merk.
Voorkomende optrede sluit waterbesparingsmaatreëls in wat ingevolge regeringsriglyne ingestel word.
Daar moes voorsiening gemaak word dat die water geskik geberg sal kan word.