Valley-buurtwag maak impak
Die Valley-buurtwag wat reeds sedert Januarie 2018 bestaan, doen vrywillige patrollering in die woongebied by Da Gamaskop-polisiestasie. Lede doen patrollie vanaf Gelde r bl oe m straat tot by Al hof rylaan via Mosselstraat om misdaad tot ‘n minimum in hierdie area te beperk.
Dit is 'n voldwonge feit dat 'n aktiewe buurtwag, ‘n berekenbare afname in misdaadsyfers tot gevolg het.
Lede het op 15 en 16 Oktober ‘n werkswinkel in die George-stadsaal bygewoon waar minister Albert Fritz van die Wes-Kaapse departement van gemeenskap s veiligheid as hoof spreker opgetree het. Hy het gevra dat die vergadering vorendag moet kom met ‘n effektiewe en werkbare veiligheidsplan vir die Tuinroete-distrik en meld dat alle geakkrediteerde buurtwagte baadjies en verdere toerusting sal ontvang. Majoorgeneraal Oswald Reddy van die SAPD het tydens die geleentheid gesê dat buurtwaglede die oë en ore van die SAPD is. "Hulle moet siviele arrestasies uitvoer en onverwyld verdagtes visenteer. Geweld moet slegs uitgevoer word as lede se lewe in gevaar is of indien hulle hulself teen kriminele moet verdedig," het hy gesê.
Ridgeview Primêr
Die buurtwag doen ook patrollies by Ridgeview Primêre Skool om onderwysers met onhanteerbare leerders te help. 'n Fondsinsamelings konsert waartydens Rasta Rebels opgetree het, is onlangs in die skoolsaal gehou waartydens buurtwaglede die area patrolleer en ook as hek- en karwagte opgetree het.
Vreedsame optog
Valley-buurtwaglede was ook op Donderdag, 26 September betrokke by 'n vreedsame optog van geweld teen vroue en kinders in die groter Mosselbaai.
Sowat 500 mense was deel van die optog wat plaasgevind het vanaf Kindersorg se kantore tot by die Mosselbaai-landdroshof waar 'n memorandum oorhandig is.
Apostoliese Geloofsending
Op 25 en 26 Oktober het die buurtwag by die AGS-gemeente in D'Almeida diens gelewer waar die AGS s est reeks konferensie gehou is. Buurtwaglede het tydens die konferensie buite die kerk geparkeerde motors opgepas gedurende die dienstye tussen 18:30 en 21:00.
Hillcrest Sekondêr
Na afloop van die moord op twee leerders van Hillcrest Sekondêre Skool, het die Valley-buurtwag by die skool oiens gedoen in samewerking met die SAPD.
Lede het as sekuriteitswagte opgetree, asook die ingange na die skool bewaak.
Die prinsipaal, mnr Kronenberg, was beïndruk met die lede want volgens hom het hulle teenwoordigheid ‘n groot verskil gemaak. Die Valley-buurtwag lewer ook ‘n diens by Sao Bras Hoërskool.
Vir verdere inligting oor of om by die buurtwag aan te sluit, kontak Michael Carelse (079 697 3272), Lynette (Koekie) Solomons - koördineerder (071 811 4338) of Terence Williams - sekretaris (060 730 5289).