GEBEURE / HAPPENINGS

Kerssangdiens by Suidgemeente

Belangstellendes word uitgenooi na die NG Mosselbaai-Suid se Kerssangdiens op Sondagaand, 17 November om 18:30. "Kom geniet `n aand van koorsang en heerlike samesang."

Groot Brak GPF-vergadering

Groot-Brakrivier GPF se algemene jaarvergadering vind op 19 November om 19:00 in die Groot Brak Sekondêre skoolsaal in Greenhaven plaas. Almal welkom.

OEV hou ledevergadering

Die ledevergadering van die Onafhanklike Entrepreneursvereniging vind op 20 November om 10:00 in die sysaal van die Mosselbaaistadsaal plaas. Vir navrae kontak Melanie (072 837 8803).

Hartenbos GVF vergader

Die bestuur van die Hartenbos Gemeenskaps-veiligheidsforum hou sy jaareinde vergadering op 21 November om 16:30 in die ATKV-auditorium. Lede en belangstellendes word genooi om die vergadering by te woon.

Soos gebruiklik sal die voorsitter sy verslag lewer en sal 'n finansiële verslag voorgelê word.

Aksies vir en gedurende die komende vakansietyd sal bespreek word. Die Forum tree in belang van die inwoners (en vakansiegangers) op.

Biddag vir reën

'n Biddag vir reën word op

23 November om 10:00 by die Amfiteater op Hartenbos gehou. Almal is welkom. Die biddag word vir die hele land gehou wat tans erge droogte ondervind. Die diens sal gelei word deur ds Tertuis Conradie van die NG Gemeente Brandwag.

Braai vir buurtwag

Worsbroodjies word op 30 November voor Pick n Pay in Fraaiuitsig verkoop ten bate van die Fraaiuitsig-buurtwag.

Volgens die organiseerder, Annatjie van Aswegen doen die buurtwag baie vir die inwoners, daarom "samel ons geld vir hulle in om ons waardering te wys."