SAPS news in brief
RIVERSDAL
Die plaaslike polisie woeker in die stryd teen onwettige dwelms. Volgens die kommunikasie beampte, konstabel Venia Daries het hulle tussen Vrydag, 17 en Sondag, 19 Julie 14 suksesvolle arrestasies wat met dwelmmisdrywe verband hou, gemaak. “Die beskuldigdes het almal Maandag, 20 Julie in die hof op Riversdal verskyn,” sê sy.
Hulle versoek die gemeenskap om oplettend te wees en verdagte voertuie of persone in die omgewing by die polisiestasie aan te meld.
STILBAAI
Danksy flink ondersoekwerk is eiendom wat gedurende die week van 13 Julie uit Melkhoutfontein Primêre Skool gesteel is, binne enkele dae teruggevind. Volgens die hoof, Ruby Flores het diewe tydens die grendeltyd probeer om by die skool in te breek, maar nie daarin geslaag nie. Met hul tweede poging om toegang tot die skool te kry, is die trollie klankstelsel gesteel.
“Ons is innig dankbaar vir ondersoekbeampte, sersant Ludwig Schnetler en konstabels André Erasmus en Marius Witbooi se flink optrede. Alle eiendom wat al op vorige kere gebuit was en nie net die klankstelsel nie, is teruggevind. Ons doen ‘n beroep op die gemeenskap om eienaarskap van die skool te neem en die vandalisme en inbrake sterk te veroordeel,” sê sy.
In ander polisienuus uit Stilbaai het lede ter viering van Mandeladag die kans om inwoners van die Soeterus-aftreeoord op Melkhoutfontein spesiaal te laat voel, aangegryp. Volgens sersant Chistiana Lewaks het hulle in vennootskap met Jag ers bos c h-gemeenskapsorg sent rumen die Stilbaai-slagoffer bemagtiging s kamer opgetree. “Die gemeenskap het ruimhartig gegee en ons kon Maandag, 20 Julie verskeie omgeepakkies uitdeel. Ons bedank elkeen wat bygedra het.”
GROOT-BRAKRIVIER
Die polisiestasie op Groot-Brakrivier se aanklagkantoor is op Maandag, 20 Julie weer oopgemaak vir die publiek nadat dit tydelik weens Covid-19 gesluit was.
Die stasie se dienste is na die speurderkantore agter die stasie geskuif nadat ‘n personeellid by die stasie positief getoets het vir Covid-19. Die gebied is intussen ontsmet. Die tydelike sluiting van die polisiestasie volg kort nadat die KwaNonqaba-polisiestasie en die Da Gamaskop-polisiestasie op Mosselbaai ook die afgelope maand weens Covid-19 verwante voorvalle moes sluit.