Chantél, ’n nuwe vis in die Hartenbos fisio-water
Hartenbos verwelkom een van sy bekwame uitvoerprodukte terug in die persoon van Chantél Kritzinger.
Chantél is ’n jong, dinamiese fisioterapeut met ’n passie en talent om die oorsaak van gewrig-, spier en senuweeverwante pyn te vind en dit toepaslik te behandel. Sy het grootgeword in die hartjie van die Suid-Kaap op Hartenbos en daarom het sy nou teruggekeer om die gemeenskap te dien met haar vaardighede. Sy het haar graad aan die Universiteit van Stellenbosch verwerf en daarna ondervinding by privaat praktyke en hospitale in die Kaap, Paarl en Stellenbosch opgedoen.
Chantél het ’n spesiale belangstelling in ortopedie, sportbeserings en neurologiese kondisies.
Haar sagteweefsel- en gewrigmobilisasies, droë naaldterapie, Pilatesen rehabilitasie-oefeninge waarborg belowende verbetering in haar pasiënte se lewenskwaliteit.
Met groot opgewondenheid pak sy nou hierdie nuwe uitdaging aan.
Volgens Chantél is dit een van die grootste voorregte om terug te keer en na die mense van haar tuisdorp se gesondheid en welstand om te sien.
Sy begin op Maandag, 3 Augustus by Carina Müller Fisioterapie praktiseer, 'n gevestigde praktyk met 'n sterk belangstelling in werwelkolomgesondheid en hulp met pyn.
Haar pasiënte is beslis in bekwame hande. Die praktyk is in die
Aura Aesta Kompleksgebou, Kamassiestraat, Hartenbos geleë.
Chantél kan gekontak word op 076
964 0045 en Carina op 082 591 5604.
Vir afsprake skakel 044 695 4186.