MARKTE/ MARKETS
Groot Brak-mark
Die maandelikse Groot Brak-mark vind weer Saterdag, 1 Augustus vanaf 08:00 tot 13:00 op die perseel regoor Pick n Pay plaas. Daar is meer as 80 stalletjies om by rond te snuffel en sluit ook verskeie kosstalletjies in. Musiek word deurentyd verskaf wat ‘n huppel in jou stap sal sit. Al die uitstallers sal streng by sosiale afstand en die dra van maskers hou. Handreiniger is by hulle uitstalruimtes beskikbaar. “Ons vra alle markgangers om ook hulle maskers te dra.” Kontak Melanie (072 837 8803 of 044 695 2331) met navrae.
Hartenbos Boeremark
Hartenbos Boeremark met meer as 80 uitstallers se volgende markte is die 8ste, 15de en 29ste Augustus by die Carney-gebou op Hartenbos vanaf 09:00 tot 14:00. Verwag vriendelike uitstallers en jolige musiek. Markbesoekers moet te alle tye maskers dra asseblief.
Navrae Charles (082 852 1773).