Besige swendelaar slaan kloue diep in Stilbaai
‘n Vermeende swendelaar en sy vrou het hul in Stilbaai gevestig en die man het na bewering reeds sy kloue diep in ten minste twee mense se beursies geslaan.
Gemoedere loop landswyd hoog onder klaers wat beweer dat Kobus Nel, afkomstig van Pretoria meer as 28 individue en besighede met meer as R16 miljoen deur middel van ‘n Ponzi-skema ingeloop het. Klaers van Pretoria, Lichtenburg, Windhoek, Upington en Kaapstad se name is in die Brooklyn-dossier vervat wat eersdaags weer voor die hooggeregshof gaan dien.
Een van die Stilbaai klaers beweer hy is onlangs uit R120 000 bedrieg. ‘n Man van Kaapstad is R5 miljoen kwyt, terwyl ander tussen R2.4 miljoen en R30 000 moes afskryf.
Advokaat Willem van Zyl sal die staat se saak stel.
In dokumentasie uit die ondersoek word beweer dat Nel mense oorreed het om onder andere in uitvoere na Dubai te belê en sodoende binne enkele maande groot winste sou bank. Die wins het na bewering nooit realiseer nie. Hy het ook na bewering lenings aangegaan en nooit terugbetaal nie.
Nel het reeds in Februarie 2010 sy eerste hofverskyning in die Pretoria-hooggeregshof gemaak. Sy swendelary het glo reeds in 2006 begin.
Barry Bateman, destydse joernalis by Pretoria News, het met dié verskyning berig dat daar selfs beweer is dat Nel ‘n wettige diabetesaanvullingsmaatskappy se naam gebruik het om beleggings te verseker. Tot ‘n apteker was glo ‘n slagoffer van die diabetesaanvullingsprodukte se sogenaamde uitvoer na Dubai. Die hof het toe reeds gehoor hoe Nel een van sy slagoffers 140% wins binne 12 weke beloof het. Intussen het konst Venia Daries, Riversdal-polisie se kommunikasiebeampte, die publiek gemaan om nie soortgelyke beleggings, ook aanlyn, aan te gaan nie.
Pastoor in elke huis
Prinsloo neem groot erns met dié opdrag. Nie net in sy eie gemeente en binne die AGS-leierskap nie, maar ook deur sy radiooptredes op RSG en veral op Eden FM se gebedsprogram,
Deo Gloria wat in Oktober sy 17de bestaansjaar tydens ‘n spesiale