Sakekamer kry goeie hupstoot
Sakekamers is baie belangrik, nie net vir besigheidseienaars nie, maar ook vir die ekonomiese groei van ‘n dorp.
Dit is die mening van Charles de Kock, prinsipaal van Chas Everitt in die SuidKaap. Om dié rede het hy dit goed gedink om met die opening van hul groter kantore in Keurboomlaan in Stilbaai ‘n veiling ten bate van Stilbaai-sakekamer te hou. Die aand was ‘n reusesukses en die agentskap het R10 000 aan die sakekamer oorhandig.
“Dis vir my ‘n voorreg om deel van Stilbaai-sakekamer te wees en lekker om terug in die gemeenskap te ploeg,” het hy by die geleentheid gesê.
Chas Everitt is vanaf 1 November die eksklusiewe agentskap vir die Skulpiesbaaiontwikkeling, wat as een van die bes geprysde seesigontwikkelings in Suid-Afrika gesien word.
Kontak Jeanne Hamman (082 522 9893) vir meer inligting.
Bekende Mosselbaaier, Lenise Hendricks was vandeesweek ‘n gas op die kykNET geselsprogram, KLOP! waar aktuele sake bespreek word.
KLOP! Oftewel Kô, Lat Ons Praat, onder leiding van Heinrich Wyngaard, hoewel humor altyd deel van die pakket is, fokus op nuusmakers, helde, terwyl dit nie sal skroom om ernstige kwessies te takel nie.
Lenise het haar lewe aan die onderwys gewy en haar deurgaans vir ontwikkeling vir jongmense, veral jong sangtalent beywer. Sy het in 2017 nuusgemaak toe daar in die tydskrif, Kuier oor ‘n vlaag van selfdood berig is wat veral onder die jeug van Mosselbaai gemaai het. Lenise het in 2017, na aanleiding van hierdie tragiese verlies, haar moue opgerol en aktief begin uitreik om aan mense wat emosioneel en sielkundig swaarkry, ondersteuning te bied.
Sy het vandeesweek aan die Mossel Bay Advertiser gesê dat die program al ‘n geruime tyd op haar spoor is, maar dat sy vanweë die Covid-19-pandemie nog nie kans gesien het om per vliegtuig te reis en dan as ateljeegas deel te neem nie. Haar deelname het virtueel via ‘n Skype-onderhoud plaasgevind.
Die program is op Woensdag, 2 Desember uitgesaai.