MARKTE / MARKETS

Mark op Groot Brak

Die maandelikse Groot Brak Mark vind weer môre, Saterdag 5 Desember vanaf 08:00 tot 13:00 op die perseel regoor Pick n Pay plaas. Daar is meer as 90 stalletjies om by rond te snuffel en sluit ook verskeie kosstalletjies in. Musiek word deurentyd verskaf wat ‘n huppel in jou stap sal sit. Die nuwe Food Court is ook nou oop. Al die uitstallers sal streng by sosiale afstand en die dra van maskers hou. Handreiniger is by hulle uitstalruimtes beskikbaar. “Ons vra alle markgangers om ook hulle maskers te dra.” Kontak Melanie (072 837 8803 of 044 695 2331) met navrae.

ACVV Kenani hou basaar

Die ACVV Kenani hou môre, Saterdag 5

Desember vanaf 08:00 op hul perseel in Alphastraat 7, Heiderand basaar.

Daar sal weer heerlike eetgoed en verversings te koop wees, asook goeie tweedehandse linne, klere en boeke teen winskooppryse. Die grootste treffer vir die dag is natuurlik die witolifant-verkoping.

"Wees vroeg en wees gereed, want die hande swaai en die winskopies waai. Onthou jou masker."

Vir navrae skakel die kantoor (044 690 3204).

Desember-aandmarkte

Die Onafhanklike Entrepreneursvereniging (OEV) se gewilde aandmarkte in Desember vind op die volgende datums plaas:

Mosselbaai - Vrydag, 18 Desember (gaan nou in Blandstraat voor The Goods Shed plaasvind)

Hartenbos 1 - Saterdag, 19 Desember

Hartenbos 2 - Woensdag, 23 Desember

Die opbrengs van die aandmarkte word aan liefdadigheid geskenk. Vir navrae kontak Melanie (072 837 8803) of trek aansoek van die webwerf af by www.oev.co.za