Groot Brakkers gerusgestel
Die Greenhaven-sakeforum het verlede week hulle stem dik gemaak tydens samesprekings met die Mosselbaaimunisipaliteit omdat die groep, as segsmanne vir die breër gemeenskap beweer dat hulle oor die hoof gesien word wat werksgeleenthede betref. Dit hou spesifiek verband met konstruksieprojekte, soos onder meer die skep van die nuwe sokkerfasiliteit op Groot-Brakrivier wat reeds ‘n aanvang geneem het.
Die forum het Vrydag, 21 Mei met amptenary, kontrakteurs en senior munisipale bestuur insluitend Elize Nel, direkteur van gemeenskapsdienste asook die uitvoerende burgemeester, raadsheer Harry Levendal op Groot Brak vergader.
Van die groep se griewe het ingesluit dat hulle die sokkerfasiliteit as “derderangs” beskou, dat hulle aan die kortste ent trek wanneer dit kom by ekonomiese bemagtiging deur middel van werksgeleenthede as subkontrakteurs en dat daar te min met die gemeenskap gekonsulteer word oor sake wat hulle direk raak.
Barry Jacobs, die voorsitter van die forum het dit duidelik tydens samesprekings gemaak, dat die forum gestig is om ‘n mondstuk vir die gemeenskap te wees wat oop kommunikasie met ander partye soos die munisipaliteit, wil bewerkstellig.
Kommentaar
Na die samesprekings, het die munisipaliteit in hulle amptelike terugvoering gesê dat twee van die persone betrokke by die vergadering, reeds as subkontrakteurs in die Wolwedanssokkerprojek aangestel is. Hulle kontrakte word tans gefinaliseer.
Nog van die forum se griewe, is dat daar nie tydens konstruksieprojekte genoeg plaaslike subkontrakteurs aangestel word nie. Die munisipaliteit sê egter dat, volgens die tenderspesifikasies, moet 10% aan plaaslike arbeid en/of subkontrakteurs gaan, maar dat die kontrakteur tydens die sokkerprojek heelwat meer as dit gaan doen.
Die forum se bewering dat die projek nie op standaard is nie, rus daarop dat byvoorbeeld geen voorsiening vir ‘n pawiljoen gemaak is nie en dat die toegangspad ‘n gruispad gaan wees. Daar is ook nie beligting nie.
Die munisipaliteit het tydens die vergadering die provinsie se standaarde verduidelik en wat sodanig as kernnoodsaaklikhede beskou word. Pawiljoene, ligte en ‘n teer- of plaveiselpad is nie kern tot die projek nie en selfs ‘n omheining word nie as kernbelangrik gereken nie.
Die munisipaliteit het egter met provinsie onderhandel en gevolglik sal die perseel wel omhein word, ten spyte daarvan dat slegs die helfte van die R15 miljoen waarvoor aansoek gedoen is, toegestaan is.
Hoewel die raad R1,9 miljoen tot die sokkerveldontwikkeling bydra, is dit steeds te min om ‘n pawiljoen, ligte of geplaveide of teerpad te voorsien. Die kleedkamers is egter so ontwerp dat ‘n pawiljoen mettertyd opgerig kan word. Die kleedkamers sal ook, na onderhandeling met die provinsiale regering, ingerig word op dieselfde standaard as die fasiliteite by die sportvelde in Uitbreiding 23.
‘Ontmoet mekaar’
Tydens sy toetrede tot die gesprek het raadsheer Levendal ‘n pleidooi gelewer dat “menslike kapitaal” altyd in oorweging gebring moet word om die “wrywing uit projekte te haal”.
“Ek wil nie inmeng met ‘n kontrak wat reeds aan die gang is nie, maar ek gaan vra, kom ons ontmoet mekaar? As iets in jou plek gedoen word, wil jy trots wees daarop. En jy kan net daarop trots wees, as jy deel daaraan het.”
Hy het die forum ook die versekering gegee dat baie van hulle vrese ongegrond is. Daar is reeds sedert 2006 aansoeke ingedien vir die sokkerprojek en verdere aansoeke vir befondsing sal volg.
Calling all models and would-be models. Entries have opened for the Crawlers and Crowns Once Upon a Time Eden SA Top Model Competition.
There are various age categories for girls and women and for boys and men.
There are a number of awards and prizes to be won. The closing date for entries is 5 July and the competition will be held at the Diaz Hotel in Mossel Bay on 10 July.
To find out more and to enter, call
081 869 6090.
If you enter this competition you stand a chance to win a free entry into the Top Model SA (Opulent Models) Competition.