Groot dank aan almal vir bydrae tot die sukses van die naweek se Daytona
Dirk Kotzé, uitvoerende onderburgemeester, Mosselbaai:
Mosselbaai-munisipaliteit bedank almal wat ‘n bydrae tot die sukses van die naweek se Justworx Daytona-middedorptydren gemaak het.
Die plaaslike organiseerder, nasionale organiseerder en die eienaars en renjaers van die hoë verrigting motors het Mosselbaai bo talle ander dorpe gekies vir die geleentheid van die jaar en verdien ons dank vir die uitsonderlike vertoning van brute krag en vernuf.
Verskeie Mosselbaaiers het hul harte en beursies oopgemaak en verdien ons opregte waardering: die beskikbaarstelling van die 184 strooibale, asook die regskuif en vervoer daarvan en dan ook die skoonvee van die strate.
Mosselbaai-munisipaliteit se verkeer s personeel verdien‘ n besondere dankie - sonder hul bydrae sou die byeenkoms nooit geslaagd gewees het nie.
Speaker, raadsheer Petru Terblanche het die organisering en fasilitering van die beveiliging van die renbaan op hom geneem en verdien ons opregte dank.
Verskeie personeel het tyd en kundigheid bygedra om ‘n sukses van die Daytona te maak. Oudergewoonte was Joubert Coetzee se kundigheid betreffende groot openbare byeenkomste onontbeerlik en deurslaggewend.
Veiligheid was van kernbelang en die plaaslike SA Polisielede, buurtwaglede en andere wat die organiseerders bygestaan het, asook die helikopter wat vir veiligheidsredes beskikbaar gestel is, verdien alle lof.
Belangrikste is egter die dankie aan ons gemeenskap - dankie aan diegene wat in die geaffekteerde area woon en werk wat goedhartig ingestem het om ‘n dag in hul lewens op te offer sodat die groter Mosselbaai by die bemarkingswaarde van die Daytona kon baat. Dankie aan besigheid s eienaars wat‘ n geleentheid omarm het. Dankie aan elke inwoner wat toegelaat het dat die gebrul van enjins ‘n paar uur deur die stil strate van ons mooi dorp kon weerklink.
Dankie vir die lekker gees waarin die tydren plaasgevind het, vir die mense wat gebraai en die renjaers aangemoedig het, toeskouers wat geduldig gewag het vir die welwillendheid s ritte om klaarte maak alvorens die groot gejaag kon begin.
Dankie vir elke inwoner en besoeker wat bygedra het tot die sukses van Daytona 2021.
Hopelik maak ons weer so.