Jakkalsvlei-wyne gebruik by Laaste Avondmaal
Die bekende Jakkalsvlei-wyne uit die Suid-Kaap word nou tydens die Laaste Avondmaal-toneel van die Passiespele in Oberammergau, Duitsland, gebruik.
Mosselbaaier Gerrie Pretorius, aanbieder van Leef jou Reis, vertel dat hy elke keer wanneer hy die gebied besoek, van Jakkalsvlei se wyne vir die akteur, Frederik Mayet wat Jesus speel, saamneem as geskenk.
Met verloop van tyd het hulle begin om die wyn, wat eie is aan ons streek, tydens die Passiespele-Avondmaal te gebruik. Die Passiespele word sedert 1634 opgevoer en is nog net vier keer uitgestel weens epidemies of wêreldoorloë.