Opskorting van verbod

Die Nasionale Dieregesondheidsforum sê in 'n verklaring hulle is dankbaar dat die verbod op die vervoer van beeste weens die voorkoms van bek-en-klouseer onlangs opgehef is. Die forum sê hulle is egter nog steeds bekommerd oor die vinnige verspreiding van die siekte. "Ons moedig ons lede en rolspelers aan om voorsorg te tref en om nuwe vee wat van elders aangeskaf is, eers vir 28 dae in kwarantyn te plaas, weg van hulle gevestigde kuddes".

Die forum het op Dinsdag, 13 September saam met die Direktoraat van Dieregesondheid gewerk aan ‘n konsepstrategie vir die beheer van beken-klouseer vir die kort- en langtermyn. Die uitbreking van die siekte het die landboubedryf laat steier en boere in die Mosselbaai-omgewing is ook daardeur geraak. Bek-en-klouseer is uitsluitlik 'n dieresiekte en hou geen bedreiging vir die mens in nie.