Sages besoek Boggoms

Wanneer die gholfklub op Boggomsbaai vol mense is, is die Boggomsbaaiers op hulle gelukkigste. 'n Groep van 48 SuidKaap Sages-lede het op Dinsdag, 13 September op Boggomsbaai gespeel en die uitsonderlike ervaring eerstehands beleef. Die Boggombaaiers was gasvry soos altyd en elke gholfspeler het die dag geniet.

Die formaat van die dag se spel was 'n vierbal-samespel met een Stablefordtelling op putjie een, twee op putjie twee en drie op putjie drie. Dit is dan herhaal op die oorblywende putjies.

Die volgende spelers het die beste gevaar:

1. Martin en Eleonor Speelman (Mosselbaai) en Thys en Mart Cronjé (Stilbaai) - 96

2. Cassie Swanepoel en Marius Loubser (Boggomsbaai) en Alwyn Vorster en Branko Celica (Stilbaai) - 93

3. Willem du Plessis en Bennie Pienaar (Boggomsbaai) en Nic Marais en Gert Brink (Mosselbaai) - 92

4. Koos Eksteen en Colin Sharwood (Riversdal) en Stoffel en Breggie Maritz (Mosselbaai) - 90

5. Fred Bull en Leon Neveling (Mosselbaai) en Wessel de Bruyn en Gary Ristow (Stilbaai) - 85

6. Craffie Crafford en Kwartus Sieberhagen (Mosselbaai), Denzil Geldenhuys (Riversdal) en Freddie Stander (Boggomsbaai) - 85

Die naaste aan die penne geborg deur JC Slaghuis van Riversdal, is gewen deur Antony Slater van Mosselbaai op 6/15 en Mart Cronjé van Stilbaai op 9/18. Mart en Antony, asook Nic Marais en Craffie Crafford, het almal goed presteer.

Die volgende Suid-Kaap Sageskompetisie is die jaarlikse Kansadag op 10 Oktober op Mosselbaai.