Donovan Day sorg vir aksie
Hoewel Calie Brown tydens die afgelope Saterdag se Oktober-skietkompetisie van die Neill Calitz skietklub met 'n prag 33/36 punte as skut van dag geëindig het, was dit Donovan Day wat met die skiet van die metaal-silhoeëtte vir puik prestasies gesorg het.
Donovan skiet in twee van dié drie items, al vyf die metaalplate plat en in die derde een 4/5. In die 10m-item is hy die enigste skut om al vyf metaalplate plat te skiet én om ook punte op die papierteiken aan te teken.
Suzette Herrer sorg op haar beurt vir 'n goeie vertoning in die snelvuur deur 138/150 te behaal terwyl Calie 'n skitterende 47/50 met die 9mm behaal.
Uitslae
.22 oor 10m: 1. Calie Brown; 2. Ivan Maddison; 3. Suzette Herrer; 4. Liam Brown; 5. Donovan Day; 6. Donolee Pietersen.
Snelvuur oor 10m: 1. Suzette Herrer; 2.
Calie Brown en Ivan Maddison; 4. Donovan Day; 5. Donolee Pietersen; 6. Liam Brown. 10m-20m metaal-silhoeëtte: 1. Donovan Day en Calie Brown; 3. Suzette Herrer, Ivan Maddison en Donolee Pietersen; 6. Liam Brown.
20m metaal-silhoeëtte: 1. Donovan Day; 2. Suzette Herrer, Calie Brown en Ivan Maddison; 5. Donolee Pietersen; 6. Liam Brown.
10m metaal-silhoeëtte / teiken: 1. Donovan Day; 2. Calie Brown; 3. Suzette Herrer; 4. Ivan Maddison, Liam Brown en Donolee Pietersen.
9mm oor 10m: 1. Calie Brown; 2. Ivan Maddison; 3. Donovan Day; 4. Suzette Herrer.
Die volgende skietoefening vind op Woensdag, 12 Oktober vanaf 09:00 tot 12:00 plaas en November se skietkompetisie vind op Saterdag, 5 November vanaf 09:00 plaas.
Vir enige navrae oor die klub, kontak Suzette (082 478 8090).