Suid-Kaap Sages hou geslaagde Kansadag op Mosselbaai
Die jaarlikse Suid-Kaap Sages se Kansagholfdag is 'n gewilde gebeurtenis en vanjaar se geleentheid het op 10 Oktober op die Mosselbaai-gholfbaan plaasgevind. Tagtig spelers het in 'n gekombineerde tweebalstablefordkompetisie deelgeneem en te oordeel aan die amper feestelike atmosfeer in die klubhuis na die tyd, het almal 'n genotvolle dag gehad.
Adri Odendaal, die Suid-Kaap koördineerder van Kansa vir fondsinsamelings, het in haar kort toespraak die belangrikheid van die bewuswees vir tekens van kanker onderstreep en ook vertel van die huis vir kankerlyers in Oudtshoorn wat baat vind deur al die skenkings en donasies wat hulle ontvang.
Uitslae
Die volgende pare het die beste gevaar:
1. Gert Brink en Craffie Crafford (Mosselbaai) 80; 2. Peter Fillies en Bennie Mintoor (Boggomsbaai) 76; 3. Flip en Bernice Cloete (Mosselbaai) 75; 4. Eddie
Vermeulen en Lionel du Plessis (Mosselbaai) 72; 5. Nelis en Mariaan Loots (Mosselbaai) 72; 6. Chris Barnard en Dawid Gerber (Mosselbaai) 70; 7. Alwyn Vorster en Branco Celica (Stilbaai); 8. Pieter Barnard en Bennie Geldenhuys (Mosselbaai) 70; 9. Martin en Eleonor Speelman (Mosselbaai) 69; 10. Tony Bailey en Lawrence Baltrop (Stilbaai) 69. Die naaste aan die penne is gewen deur Dave Gravett van Stilbaai op putjie 4, Tannah Harris van Boggomsbaai op 8, Danie Terblanche van Mosselbaai op 12 en Eugene du Plessis van Mosselbaai op 15.
Philip Claase, Dawid Gerber en Craffie Crafford, almal van Mosselbaai, en Peter Fillies van Boggomsbaai, het almal spogtwees aangeteken en Bennie Geldenhuys van Mosselbaai het die enigste arend van die dag aangeteken.
Die volgende Sages-saamtrek vir SuidKaap is op 15 November op Stilbaai, 'n 4BBB-stablefordkompetisie.
Adri Odendaal (072 133 0444) kan gekontak word indien iemand 'n bydrae vir Kansa wil maak. Hulle webtuiste kan ook besoek word om meer inligting te bekom.