Nuwe voorkoms vir Strauss, Booysen & Vennote
Stap jy deur die deure van die Old Mutual-kantore op die vyfde vloer by Plaza Aquadagebou in Marshstraat, Mosselbaai, is die eerste indruk wat jy kry dat jy moontlik by die verkeerde kantoor aangemeld het. Eers wanneer jy die groot verligte Old Mutual uithangbord agter die ontvangsdame sien, weet jy dat jy op die regte plek is.
Strauss, Booysen en Vennote is vriendelike professionele finansiële adviseurs wat nie net passievol is oor hul kliënte se finansiële welstand en toekoms nie, maar ook met onlangse veranderings aan die kantoor, skep hulle 'n persoonlike atmosfeer waar kliënte tuis voel en met respek en integriteit behandel word.
Die veranderings aan die kliënteontvangsarea is modern met 'n nuwe konsep. Daar is 'n heerlike sit-area waar kliënte 'n koppie koffie kan geniet en drie formele klankdigte vertrekke waar persoonlike gesprekke kan plaasvind.
Die ontvangsarea beskik ook oor 'n oop konsultasie-area waar dokumentasie uitgeruil en gesprekke gevoer kan word.
Die uitleg van die kantoor maak voorsiening vir 'n area waar die adviseurs in 'n afsonderlike gedeelte werk en die kliënte word in die ontvangsarea gekonsulteer in die toegewysde klankdigte vertrekke. Die Strauss, Booysen & Vennote-praktyk is ook in September vereer met die toekenning as een van die die top vyf algemene praktyke tydens Old Mutual se Praktyk van die Jaarkompetisie.
Met die vars en nuwe konsep bied Strauss, Booysen en Vennote hulle kliënte die vrymoedigheid om in privaatheid langtermyn verhoudings en wedersydse respek op ‘n gelyke vlak te kan opbou met hul adviseur. Kontak Len Strauss en sy span by 082 903 0202 of Lstrauss@ oldmutual.com
Video + Photo gallery/Fotogalery www.mosselbayadvertiser.com