Hartenbos sal ‘n nuwe sentrum kry
Die gerugte is waar, daar is 'n nuwe winkelsentrum in die pyplyn vir die Hartenbos-area.
Volgens die mede-eienaars en ontwikkelingsbestuurders van dié beplande sentrum, word daar beoog om die Garden Walk sentrum in Oktober 2025 te open.
"Die grondgebruikaansoek is einde 2013 goedgekeur as deel van ‘n groter ontwikkeling, wat kommersiële en residensiële regte fasiliteer. Die Ruimtelike Ontwikkelingsraamwerk 2022 ondersteun die skep van ‘n nuwe kommersiële sentrum wat in die behoeftes van die gebied noord van die Hartenbosrivier sal voorsien. Die betrokke area ervaar aansienlike residensiële groei," sê die Mosselbaaimunisipaliteit.
Volgens die munisipaliteit is stadsbeplanningen omgewingsgoedkeurings verkry en ‘n diensteooreenkoms en ‘n terreinontwikkelingsplan is in 2023 goedgekeur. Daar is egter nog nie finale bouplanne goedgekeur nie.
Die Moolman Groep in vennootskap met Neotrend en Dorpstraat is verantwoordelik vir dié ontwikkeling, wat sal bestaan uit ongeveer 16 500m2 20 000m2 van kleinhandelspasie.
Die perseel is aangrensend aan die N2 (noord na George en suid na Mosselbaai) van die R102 en Monte Christo-pad.
Die mede-eienaars en ontwikkelingsbestuurders sê nóg groei word in die area verwag, dus sluit onwikkelingsplanne skole, kerke en aftreeoorde in.
Hulle sê Garden Walk sal deur twee van die hoër Lewenstandaard Maatstawwe (LSM) supermarkte geanker word en ook 'n mengsel van leefstylhandelsmerke insluit, insluitend mode, gesondheid en skoonheid, dienste, bankfasiliteite en restaurante.