Mosselbaai Gholfklub beleef ‘n lekker aksiebelaaide Februarie
Die Mosselbaai Gholfklub het gedurende Februarie drie Woensdag-klubkompetisies gehad. Spelers het op Woensdag, 14 Februarie, 'n opwindende dag beleef met die wenners van dié Beterbal Houespel-formaat, wat met 'n uittel beslis moes word aangesien die eerste, tweede en derde plekke almal dieselfde hoeveelheid punte aangeteken het.
Die dag het aan Cecil Gericke en Jacques Slabber (62 punte) behoort met Adriaan Maarschalk en Gys Wilson (ook 62) in die tweede plek en Chris Barnard en Dawid Gerber (ook op 62 punte) in die derde plek.
Woensdag, 21 Februarie, se kompetisie is deur Denzel Kleu Eiendomme geborg. Die formaat vir die dag was 'n Individuele
Stableford-komperisie. Erick Barkhuizen was die wenner vir die dag met 'n uitstekende telling van 43 punte. In die tweede plek met 'n uittel was dit Stephen le Roux met ook 'n fantastiese telling van 43 punte.
Die maandelikse Sakemannedag, 'n Beterbal Stableford-formaat, het op Woensdag, 28 Februarie, plaasgevind. Spel was taamlik uitdagend met die wind wat woes gewaai het, maar dit het nie die ervare spelers teruggehou nie.
Die wenners vir die dag, Roelof Engelbrecht en Gert Pieterse, teken 'n telling aan van 73 punte. In die tweede plek was dit Rob Muller en Bronwen Powell met 69 punte en in die derde plek Albie Ellman en Gary Brandt met 68 punte.
Saterdag-kompetisies
Eric Barkhuizen en Andries Hills, met 'n spoggerige telling van 46 punte, was Saterdag, 17 Februarie, se wenners van die Beterbal Stableford- klubkompetisie. Tweede was Johan van den Berg en Bart Saayman met 44 punte en in die derde plek was Albie Ellman en Adin van Aswegen met 44 punte.
Tydens Saterdag, 24 Februarie, se Individuele Stableford-kompetsies het twee van die spelers uitmuntende rondes gespeel en was hulle in 'n titaniese stryd gewikkel om die eerste plek.
Die wenner is op 'n uittel bepaal met Fritz Wulf (42 punte) eerste, Stephan Olivier (ook 42 punte) tweede. Sakkie Morrison, wat ook 'n uitstekende ronde gespeel het, was derde met 41 punte.
Op Sondag, 25 Februarie, was Mosselbaai Gholfklub bevoorreg om die Nomads gholfdag aan te bied. Hulle het nog die mooi tradisie waar hulle formele drag by die prysuitdeling dra.
Die wenners was Dominik Dimatellis 34 punte (C-afdeling), Tjoepie Pretorius met 'n briljante 39 punte (B-afdeling) en Shadrack Donson met 31 punte (A-afdeling). Met dié golfdag wat suksesvol afgehandel is, sien die klub uit na die volgende Nomads toernooi.