PlantSelf-projek met die Plantkoepel
Solidariteit Helpende Hand droom van ‘n volhoubare toekoms vir ons gemeenskap. ‘n Toekoms waarin ons vry, veilig en voorspoedig kan voortbestaan.
Die projek is geïnisieer deur Solidariteit Helpende Hand, en met die twee projekleiers, Danelle du Plessis en Sonica de Vos, fokus die projek op die aktivering van gemeenskappe om selfonderhoudend te wees.
Die Kosblikkie-projek fokus op die ondersteuning van behoeftige kleuters ten opsigte van voeding. Hierdeur word daar op ’n vroeë stadium van ’n kind se lewe pogings aangewend om welstand te verseker. Hierdie projek fokus dus hoofsaaklik op die verligting van armoede.
Die PlantSelf-projek wil gemeenskappe aktiveer om selfonderhoudend te wees. Die PlantSelf Plantkoepel stel gemeenskappe in staat om voedselbronne van hul eie te kweek en so ekonomies onafhanklik te raak. Dit is dus die verbreking en voorkoming van armoede in ons gemeenskappe.
Deur ‘n Plantkoepel by ‘n Kosblikkie-skool te plaas bemagtig hulle die skole om ‘n stap na selfonderhouding te neem en te beweeg na ekonomies onafhanklikheid.
Die Plantkoepel is ‘n draagbare kweekhuis wat herhaaldelik gebruik kan word. Dit is ‘n plastiese raam met ‘n skadu oorgetrek en bied beskerming teen enige weerstoestande. Dit het verskillende besproeiingstelsels afhangend van die beskikbaarheid van water en gewasse wat geplant word. Die koepel is 1046mm hoog en 1610 mm breed.
Die Plantself- en Kosblikkie-projekte is op toer en beoog om Kosblikkie-skole
met Plantkoepels te bemagtig om hulle in staat te stel om self te plant en ekonomies volhoubaar te wees.
Enige ander skole wat nie deel vorm van die Kosblikkie-projek, kan ook in aanmerking kom vir ‘n Plantkoepel en kan die koepels aankoop en aanwend na gelang van die behoefte. Die gemeenskap word aangemoedig om behoeftige skole te identifiseer en fondse in te samel om by
behoeftige skole Plantkoepels te plaas.
Die koepels is ook beskikbaar vir die publiek om aan te koop of te skenk deur betrokke te raak by die projek.
Daar word beoog om in elke provinsie koepels te gaan neersit, maar het die gemeenskap se ondersteuning hiervoor nodig. Enigiemand kan betrokke raak deur ‘n behoeftige skool te identifiseer, fondse te skenk vir die Plantkoepel of maandeliks
‘n donasie te maak om die projek sterk te maak.
Maak vandag nog ‘n verskil. Vul ‘n honger magie. Skenk ‘n Plantkoepel. Besoek die webblad by www.plantself.co.za vir meer inligting.