Round tablers kom in Mosselbaai saam
Lede van die Round Table van regoor Suid-Afrika het verlede week op Mosselbaai saamgekom vir die instansie se algemene jaarvergadering.
ARTSA (Association of Round Table Southern Africa) se 14 areas het 'n opwindende paar dae agter die rug.
Die affêre het Woendag afgeskop en Sondag is die onderskeie areas weer teug na hul tuistes.
Die tydperk het verskeie geleenthede gebied waar areas onder meer hul projekte en vordering vir die afgelope jaar gedeel het en ook beplan het aan die tyd wat voorlê.
Forums vir finansies, begrotings, en meer het ook saamgekom waar inligting gedeel is om sodoende die amptelike jaarvergadering nie te lank uit te rek nie.
'n Groot hoogtepunt van die samekoms was die kostafels, wat ook 'n amptelike deel van die geleentheid is. Hier kry elke area die geleentheid om iets te ete en drinke voor te sit en hul kultuur uit te beeld. Elke area sit gewoonlik baie moeite in hierdie afdeling in, maar die Oos-Kaap area het hierdie jaar bo almal uitgeblink en met die louere weggestap.
Nuwe leierskap
Saterdag was die groot jaarvergadering en hier is nuwe leierskap vir die komende termyn ook gekies en daarna die gala aand. Die uitgaande lede was as volg:
Louis Radley – president
Antonie Smit – adjunkpresident
Lihan Kriek – tesourier
André Vos Botha – sekretaris
Louis du Toit – Internasionale verhoudinge offisier (IRO)
Wentzel Steward – ARTSA 2024 sameroeper Pienaar Aller – Inkundla redakteur Jacques van Wyk – handelsmerk en strategiese bestuurder
Werner Swanepoel – konstitusionele adviseur
Inkomende span
Die inkomende span is: Antonie Smit – president André Vos Botha – adjunkpresident Wessel Dryer – tesourier
Deon Ferrerai – sekretaris
Francois van der Merwe – IRO
Jan Albert de Kock – ARTSA 2025 sameroeper
Wouter Dreyer – Inkundla redakteur Walter Groenewald – handelsmerk en strategiese bestuurder
Louis Radley – konstitusionele adviseur
Die algemene jaarvergadering skuif elke jaar na 'n ander provinsie. Vanjaar was die Suid-Kaap se beurt gewees en hulle het 'n fantastiese naweek aangebied.
"Baie dankie aan die Suid-Kaap se span wat dit moontlik gemaak het en ook laat lyk het soos min werk, al weet ons dit is nie maklik om 580 mense gelukkig te hou nie," sê Walter Groenewald.
Volgende jaar kom die areas in Parys, Vrystaat bymekaar.
Dié reëlings is reeds ver gevorder.