Opbouende projekte vir Ruiterbos
Die Ruiterbos gemeenskap buite Mosselbaai op die R102 op pad na Oudtshoorn, het baie uitdagings, maar 'n paar inwoners het opbouende projekte in die gemeenskap begin.
ATKV
Die ATKV het onlangs die Ruiterberg-tak hier gestig in samewerking met Christie Swanepoel van die ATKV en Lisa Prins as voorsitter en Triena James as die ondervoorsitter.
Bord
Van die eerste projekte en met verskeie rolspelers aanboord, die ATKV, Mosselbaaimunisipaliteit, Protea Spaza Shop en die Tuinroete Dierebeskermingsvereniging (DBV), het Ruiterbos nou hul eie bord by die ingang om besoekers én inwoners welkom te heet.
Voorheen was daar geen aanduiding van die nedersetting nie. Die bord word op Saterdag, 4 Mei, amptelik onthul by die markdag.
Sterillisasie
Die DBV het onlangs 'n gratis sterilisasiedag by die bosboustasie gehou waartydens so te sê alle honde en katte van die inwoners gesteriliseer is.
Seed 2 Harvest
Maandag, 29 April, is 'n teorie klas aangebied deur Seed 2 Harvest, waar inwoners bekend gestel is aan die Seed 2 Harvestprojek. Op Dinsdag, 30 April, het inwoners die geleentheid gehad om prakties die voorbereiding te doen en die sade te plant. Seed 2 Harvest bring kos na mense en poog om een huishouding, een voedseltuin in soveel gemeenskappe as moontlik te vestig. Hulle streef daarna om algemene bewustheid van goeie gesondheid, voeding en voedselsekerheid te skep en mense van alle lewenstyle te bemagtig om hul eie vars produkte te kweek.
Markdag
Die ATKV- tak Ruiterberg se markdag begin om 10:00 Saterdag, 4 April, en die publiek word genooi om hierdie geleentheid te kom ondersteun.
Inwoners gaan van hulle produkte te koop aanbied. Daar gaan 'n talentkompetisie wees en nog vele ander interessanthede. Die publiek moenie dié geleentheid misloop nie. Die inskrywings vir die modelkompetisie is oop van 09:00 tot 10:30.
Die program vir die dag is:
09:00 - 09:30 Opening van buitelug bord
09:30 - 09:35 Verwelkoming - ATKV 09:35 - 09:40 Sang-item Elisa Prins 09:40 - 09:50 Polisie spreekbeurt 09:50 - 10:00 DBV spreekbeurt 10:00 - 10:10 Laerskool dans-item 10:30 - 10:35 Groente tuin sertifikate 11:00 - 11:10 Modelkompetisie 30 tot 45 jaar
11:10 - 11:20 Modelkompetisie 45 tot 60 jaar
11:20 - 11:30 Modelkompetisie 61 tot 80 jaar
12:00 Prysuitdeling en afsluiting
Vir enige navrae kontak Lisa Prins (076 914 4151) of Triena James (060 302 9346).