Inkosi isize abantulayo ngezijumbane zokudla
INKOSI Zeblon Gumbi yesizwe sakwaGumbi inikele ngezijumbane zokudla, ziphelezelwa ngamasaka empuphu okungama 50Kg kwimindeni engaphezu kwamakhulu amathathu.
Inkosi Gumbi, ibiphelezelwa ngosomabhizinisi bendawo kulomcimbi, obubanjelwe eVulamehlo Primary School eKhandova, bude buduze nesigodlo eNkonkoni ngeSabatha.
Inkosi Gumbi uthe lomcimbi ube yimpumelelo ngenxa yesikhwama uMthisazwe Foundation, esasungulwa ukutakula abantu abangenabani, ikakhulukazi izintandane nabafelokazi.
Ngokusho kwalomholi uthi ngokubambisana nekomidi elaqokwa wumphakathi, babone kubalulekile ukuhlaba ikhwelo kubona bonke osomabhizinisi, abahweba ngaphansi kwalesi sizwe. Phakathi kwabo kubalwa neziqiwu zomphakathi okubalwa kuzona neSomkhanda Game Reserve.
‘Minyaka yonke kuyaye kuthi njalo ngalesi sikhathi, ngiqale umkhankaso wami ngokubambisana nezinhlaka zomphakathi, lapho khona sisuke siphuma singena ezikoleni sibheka abafundi abentulayo.
‘Siyaye sigxile kakhulu ekubaxhaseni ngemifaniswano, sibuye sisize nangokubaluleka kokuziphatha kahle. Sibanikeza nezinto ezibalulekile. Ngenxa yokuthi kunalesi simo salolubhubhane, ngibone ukuthi ngiqale ngokucela kubona bonke abangani nezihlobo zethu ezinamabhizinisi ukuba ziphonse
Inkosi Zeblon Gumbi edlulisa isipho sayo kuNkk Beauty Mathe
itshe esivivaneni, ngokufaka lapha esikhwameni sobukhosi.
‘Yona iMsithazwe Foundation isilekelele ezintweni eziningi lapha esizweni sakwaGumbi. Engikwenzayo ngikwenza ngoba ngisizwa yibona osomabhizinisi bethu, esibusiswe ngabo lapha kwaGumbi,’ kuchaza Inkosi yesizwe sakwaGumbi.
UMnuz Simo Gumbi ongusihlalo walesi sikhwama uthe: ‘Minyaka yonke inkosi yenza okuthile esizweni sayo. Lokhu kuyangithokosiza ngoba nesizwe siyalubona uthando lwenkosi yabo. ‘Ngiyacela nje ukuthi nabanye osomabhizinisi basike iphethini, baphonse itshe esivivane.
‘Kuhle babukele kwabanye asebelule isandla kulesi sikhwama, ukuze kusizakale abantu ngezinto ezibalulekile, ikakhulukazi ukudla nezimpahla zokugqoka.’
Omunye wezakhamizi ezihlomule ngegilosa kulomcimbi, uNkk Jabulile Gumbi ongumfeloka
zi, uthe uhlala nezingane eziyisihlanu, kanti ezinye zazo azinazo ngisho izitifiketi zokuzalwa, nokuyinto eyenza kube lukhuni satshe ukuzibhalisela izibonelelo zikahulumeni.
‘Ngithanda ukubonga Inkosi yesizwe ngosizo lwayo, ngoba lokhu kudla kufika nje anginalutho ekhaya, obekukhona sekuyophela, futhi bengingazi nokuthi ngizoshonaphi, njengoba singavunyelwe nokuyozizamela ngenxa yokuvalwa kwezwe, njengoba izwe libhekene nobhubhane nje.
‘Ngiyajabula kakhulu ngoba Inkosi yethu minyaka yonke iyafika lapha ezikoleni, ihlola isimo sokufunda kwezingane zethu. Ibuye futhi isize izingane ngemifaniswano yesikole. Ngeswele imilomo eyizinkulungwane yokuba ngedlulise ukubonga kwami,’ kusho uNkk Gumbi.
Inkosi Zeblon Gumbi donates food parcels to aid needy community members