Amptenaar sterf aan Covid-19
‘n Tweede personeellid van die Oudtshoornmunisipaliteit het sy lewe weens Covid-19 verloor.
Donovan le Roux (47), ‘n wetstoepasser van die munisipaliteit is Saterdag in die George-hospitaal oorlede.
Le Roux het in Februarie 2013 by die munisipaliteit begin werk.
Patrick Jordaan, hoof van die verkeersdepartement en wetstoepassers, het in ‘n verklaring gesê Le Roux is op 25 Augustus in die George-hospitaal opgeneem na hy gesê het dat hy nie lekker voel nie. “Sy dood is ‘n geweldige verlies vir die munisipaliteit en die wetstoepassers. Ons het ‘n betroubare, eerlike persoon met ‘n fantastiese karakter verloor. Hy was ‘n ywerige werker en sy kollegas het sy beskeie persoonlikheid bewonder.” Chris MacPherson, uitvoerende burgemeester van die munisipaliteit het Le Roux se vrou, Nicolene, en die kinders sterkte toegewens. Sy begrafnis is Saterdag 11:00 by sy huis.