Herstel van slaggate aan die gang
Die Oudtshoorn-munisipaliteit is in die proses om slaggate en straatligte in die Groter Oudtshoorn te herstel.
Volgens Ntobeko Mangqwengqwe, senior woordvoerder van die munisipaliteit, sal die tegniese dienste departement ‘n streng program volg om seker te maak dat die paaie se infrastruktuur en straatligte die nodige aandag geniet.
“Ons sal ‘n padwerkeprogram sirkuleer in die westelike woonbuurte, omdat dit as die beginpunt vir die projek geïdentifiseer is. Opgradering van waterpyplyne is reeds in sommige strate aan die gang.
“Ons beplan om die projekte saam met die herstel van die paaie te laat gebeur sodat daar geen ekstra kostes aangegaan word nie,” het Justin Lesch, direkteur van tegniese dienste gesê.
Die departement mik om teen einde Oktober 2021 met herstel van die slaggate en straatligte klaar te wees.
Die uitvoerende burgemeester, Chris Macpherson, het inwoners gevra om stukkende straatligte en slaggate by 044 203 3090/3086 aan te meld.