Kansa baat by Cuppa for Cansa-veldtog
OUDTSHOORN - Die jaarlikse immergewilde Cuppa for Cansa-veldtog wat regoor Suid-Afrika aangebied word, is op 10 September by Mike en Adriana Robinson, die Kansa Global Hero of Hope, se huis in Oudtshoorn gehou.
Die doel van die prettige jaarlikse oggend saam met vriende, familie en kollegas met 'n koppie tee en iets te ete in die hand, is om fondse in te samel vir die uitstekende werk en dienste wat Kansa lewer.
Kansa bedank Oudtshoorniete wat die 2022-geleentheid positief ondersteun het asook die borge.
Op 15 Oktober word die Kansa Pienk Stap by Highgate-volstruisplaas aangebied en die eerste 10 inskrywings op Quicket betaal halfprys vir hulle ontbyt.