VLEISLAPA MARSHALLSTRAAT BLY TOPS
Vleislapa Marshallstraat is berug daarvoor om kwaliteitprodukte te lewer, hetsy dit vir ‘n naweekbraai of ‘n groot samekoms is, Vleislapa Marshallstraat sal nooit teleurstel nie.
Die rakke en vleisprodukte is altyd netjies, produkte is maklik identifiseerbaar en higiëne en kliëntediens is boaan die eienaars se prioriteitslys. Dié winkel bied altyd iets lekker van sout tot soet en Saterdae se kaaiings geniet groot aftrek.
Vleislapa Marshallstraat het vanjaar weer bewys dat hulle vir geen kompetisie hoef terug te staan nie. In Maart het hulle vir die 10de agtereenvolgende jaar met die Cleaver Award weggestap as een van die beste slaghuise in die land.
Tydens die formaliteite by Emperors
Palace in Gauteng op 24 Maart is Vleislapa Marshallstraat aangewys as 2021 se provinsiale wenner in die vier-en-meerkasregister-kategorie.
In 2013, 2014 en 2019 was hulle as nasionale wenners in dié kategorie aangewys. Slaghuise word beoordeel op kliëntediens, waarde vir geld, kwaliteit en higiëne. Die beoordeling word voorafgegaan deur n sisteem waar kliënte vir die slaghuis van sy keuse stem.
“Ons is baie trots op die prestasie en ek wil al my kliënte bedank vir hul ondersteuning en stemme asook my fantastiestiese personeel waarsonder dit nie moontlik sou gewees het nie. Ek dank ook my Hemelse Vader wat die Gewer van alles is,” sê eienaar Marius van Tonder.