Desiree bederf seniors van Martha Hofmeyr
Verlede Woensdag was ‘n besondere geleentheid vir Demokratiese Alliansie (DA) parlementslid Desiree van der Walt toe sy ‘n verrassingsbesoek by Martha Hofmeyr Tehuis afgelê het en die senior burgers en personeel met verversings en drinkgoed bederf het.
Van der Walt, wat vergesel is deur Polokwane wyksraadslede, Mariette Pretorius en Androë Botha, het nie net haar 66ste verjaardag gevier nie, maar dit ook gedoen by Martha Hofmeyr, waar sy gebore is toe dié inrigting as ‘n kraaminrigting bedryf is.
“Ek het 10 jaar gelede ook die tehuis op my verjaardag besoek,” vertel Van der Walt terwyl sy kaartjies wat haar ma tydens haar geboorte ontvang het, rondwys.
Van der Walt was die eerste vrou in
Ek het 10 jaar gelede ook die tehuis op my verjaarsdag besoek.
Limpopo wat ‘n parlementslid geword het en het haar politieke loopbaan as munisipale raadslid in Johannesburg begin en later in Tzaneen in die raad gedien.
“Eis jou regte op,” sê Van der Walt en voeg by dat haar werk uitdagend maar aangenaam is wanneer mens jou gemeenskap in jou hart dra.