Retsini Pot-’n-Pons kompetisie
Retsini Nursery, die volledige tuinmaakeenstopwinkel wat in landskap, inheemse bome en tuinbou-advies spesialiseer, het op 22 April ‘n Pot ‘n Pons-kompetisie aangebied.
Eienaar Bianca Nel, wat beïndruk was met die positiewe reaksie tot die geleentheid, het gaste verwelkom terwyl verskeie stalletjies voorberei is om die dag ‘n sukses te maak. Besighede soos Coopers Two Way Communications System, Sugar n Spice, CapriCom Networks, Louma Trading and Transport, RSA Groep se markagente en Limpopo Toyota was sommige van die uitstallers.
Die verskillende besighede het mekaar ook om die potjiekospotte en ponsbakke die stryd aangesê. Bekende Afrikaanse kunstenaars Ricus Nel en Hamilton Wessels het as beoordelaars opgetree en was later ook op die verhoog te sien. RSA Groep se markagente het met die louere weggestap en is ‘n R2 000 Mall of the North-koopbewys, ‘n trofee, ‘n Sugar ‘n Spice-koopbewys en ‘n geskenkpak ryker.
Restini Kwekery bestuur wil graag die wenspan gelukwens en almal bedank wat deel van die mark gevorm het.