RS SPORTS PRECISION-SKIETKOMPETISIE

Op 8 September vanjaar word die RS Sports Precision Skietkompetisie weereens, soos die afgelope agt jaar, in Welkom aangebied in samewerking met SA Jagters se Sandriver-58-tak. Alle fondse wat gegenereer word, is ten bate van die Sandrivier-58-tak. Hulle beplan om hiermee ’n klubhuis en skietbaanfasiliteite te bou ter voorbereiding van die 2019 World Gallery Championship. Die Excalibur-skietbaan is sentraal geleë en daarom ideaal om die Hunter Junior Champs & All Gallery Shooting Trail hier aan te bied.

DIE FORMAAT VAN DIE KOMPETISIE IS AS VOLG:

• Skuts skiet sewe skote elk waarvan ses telskote vir die groepering is (2x drieskootgroeprings). Die twee groeperings se grootte word bymekaar getel en die gemiddeld daarvan word geneem. Die skietafstand is 200m.

• Alle skietrusse sal voorsien word om ’n gelyke speelveld te verseker.

• Alle inskrywings sal aanlyn hanteer word.

• Elke skut mag drie keer skiet (drie inskrywings) maar dit moet dan met drie verskillende kalibers gedoen word.

• ’n Vriend of familielid mag met jou wapen skiet, maar jy moet self teenwoordig wees op die baan.

• Daar is geen teleskoopbeperking nie.

• Geen F-klas-gewere en geen trompremme ( muzzle brakes) word toegelaat nie.

• Die huidige infrastruktuur kan slegs 300 skuts hanteer, so dis belangrik om betyds in te skryf. ’n Aparte Junior Skietkompetisie sal ook gehou word met windbukse/PCP-luggewere en .22LR soos bepaal deur die reëls van SA Jagters. Die ouderdomsgroepe is o/9, o/13 en o/18. * Vir verdere inligting en reëls kontak Ramon Strydom by 057-355-3304, 086-502-1128 of 082-907-2231. * E-pos: ramon@rssports.co.za en besoek hul webtuiste by www.rssportswelkom.com