SJERRIE-SHLOB

Fynges stoofde rietbokblad met sjeerrie

Wat op aarde is shlob, vra jy. Nee, daar bestaan nie so ’n woord nie. Maar in ons huis word enige fynvleisgereg “shlob” genoem. As ons byvoorbeeld ’n fynhoenderpotjie maak, noem ons dit sommer hoendershlob (maar dis ’n resep vir ’n volgende keer...)

Kry die volgende bestanddele bymekaar vir dié lekker sjerriefynvleis:

1 rietbokblad 25ml olie 250g spekvleis, in blokkies gesny 1 ui, gekap 2 stele seldery, gekap (opsioneel) 30ml suurlemoensap 30ml suiker 10ml sout 2ml swartpeper 250ml water 4 naeltjies 4 peperkorrels 3 lourierblare 25ml koekmeel 60ml sjerrie, port of soetwyn 30ml botter 1. Sny of saag die vleis in kleiner stukke en

braai dit in olie tot bruin en geseël. 2. Bind die lourierblare, naeltjies en peperkor

rels in ’n moeseliensakkie toe. 3. Voeg al die bestanddele by die vleis,

behalwe die meel, botter en wyn. 4. Stowe die vleis tot dit van die been loskom

en sag is. 5. Verwyder die bene en moeseliensakkie. 6. Roer die meel, botter en sjerrie (of port of

soetwyn) by die vleis en kook goed deur. 7. Die vleis moet fyn en effens souserig wees. 8. Bedien met enige bykos soos vars brood,

rys of aartappels.