GEVULDE WATERBOKRUGBILTONG
Wraggies ’n wenner waarmee jy kan spog!
EUNIA BARNARD
Die jag op Otterskloof was buitengewoon lekker. Boonop is ons bederf met ’n heerlike bonus... Die rugbiltonge (rugfilet wat uit die rugstring gesny word) van die waterbok en koedoe is saam huis toe sodat ek resepte kan beproef en gebruik vir publikasie. (Die koedoerugbiltong se roerbraairesep volg in die volgende uitgawe.) ’n Heel, gestopte/ tong was op my reseptelys en die waterbok sou ideaal wees om hierdie
eri e rugfilet sal goed werk, van blesbok tot eland.
1 waterbokrugbiltong/filet 50ml botter 250g varkspek, in blokkies gesny 1 medium ui, gekap 100g fetakaas, gekrummel 200g gerasperde cheddarkaas 50ml grasuie of pietersielie 125ml vars broodkrummels sout en varsgemaalde swartpeper gerookte paprika braaispeserye na smaak
VOORBEREIDING
1. Gebruik die helfte van een rugbiltong. Die snit moet ongeveer 25 tot 30cm lank wees vir maklike hantering op die rooster. 2. Braai die varkspekblokkies en die gekapte uie in botter tot bros en net-net gaar. 3. Laat die gebraaide bestanddele
goed afkoel. 4. Verwyder die buitenste vlies en vlek dan die rugbiltong oop (maar moenie dit heeltemal deursny nie). 5. Geur die vleis liggies met speserye. 6. Meng die fetakaas, cheddarkaas, kruie, grasuie en broodkrummels met die varkspek en ui. 7. Skep die vulsel op die oopgevlek
te rugbiltong (slegs op een kant). 8. Vou die vleis toe en bind die filet stewig met kombuistou toe. (Vra iemand om te help vashou.) 9. Die vulsel moenie so dik wees dat
dit uitpeul aan die kante nie.
BEDRUIPSOUS
100ml olyfolie 50ml sojasous 50ml suurlemoensap 50ml heuning
Meng al die bestanddele in ’n klein bakkie en hou dit saam met ’n kwas byderhand.
BRAAI OOR DIE KOLE
1. Maak seker dat die kole lekker warm is. 2. Smeer die buitekant van die filet met ’n
lagie olyfolie en seël dit oor die warm kole. 3. Braai dan die rugfilet stadig oor matige kole
sodat die vulsel kan smelt. 4. Bedruip die vleis gereeld met die sous deur dit met ’n kwas aan albei kante aan te smeer. Draai kort-kort om. 5. Braai tot mediumgaar. Verwyder van die
kole en laat rus die vleis vir vyf minute. 6. Sny die filet in skywe en bedien met ’n lekker blatjang en enige bykos van jou keuse. (Perskeblatjang komplementeer die waterbokvleis uitstekend – resep volg.)