WILD SOOS WILDEBEES
Wildebees is een van die Suid- Affrikaanse handelsmerke in kamoefleerd drag wat oor die afgelope jare goed be ekend geraak het onder plaaslike jagters. Dié maa atskappy is gesetel in Bredell, Kempton Park in GGauteng.
Ek dink ’n mens kan met redelike seke erheid sê dat Wildebees in hul winkel die grootste e verskeidenheid kamoefleerklere in Suid-Afrika aanhou. Maar Wildebees is nie net bekend vir hu ul kamoefleerdrag nie, dié maatskappy se jagst tewels of -skoene is baie gewild onder alle jagters. .
SKOENE/STEWELS
Kom ons gesels sommer eers oor hul sko oene. Die meeste van hul gewilde jagskoene is enke elhoogtestewels (sommige mense sal dalk die e woord ‘skoene’ verkies, maar ek gebruik stewel ls) wat ’n plat speksool of tipe speksool het en jou u in staat stel om so te sê geluidloos in die veld te stap. Vir die stapjagter is hierdie stewels beslis van n die heel beste wat jy enige plek in die wêreld ka an koop. Ek gebruik Wildebees-stewels al vir vers skeie jare en kan getuig dat ek nog nie ’n skoen te eëgekom het wat sagter of meer geluidloos in die vveld stap as hierdie skoene nie.
Daar is ’n keuse tussen stewels wat m met veters vasmaak of die aanglip-tipe. My eerste p paar Wil
debees-skoene het nog Wildebees se ou tipe speksool. Daardie sool is intussen vervang met ’n soort wat ’n growwer oppervlak het (sien foto), maar hulle is net so sag in die veld.
Anders as met stewels wat aggressiewe riffel-en-groefsooloppervlaktes het, waarsku Wildebees dat hul platsole nie die beste opsie is vir gladde of skuins oppervlaktes nie. Ek het egter gevind dat die spek-tipe sole verbasend goed klou teen skuinstes as jy bergklim en ek dra myne gereeld al jag ek in die berge. Veral die nuwe sool met sy effens growwer oppervlak klou goed teen enige rots (wees maar net versigtig as dit nat raak).
KAMOEFLEERKLERE
Wat kamoefleerdrag betref, maak Wildebees voorsiening vir mans, dames en kinders en sommige van hul ontwerpe is lekker modern – kinders sal dit seker funky noem. Ek het nog net Wildebees se Sekelbos- en Bosveld-kamoefleerdrag gebruik en dis die enigstes waaroor ek my dus kan uitlaat. Soos ’n mens deesdae verwag, is die kwaliteit van die klere goed en behoort enige kledingstuk jou lank goeie diens te gee.
Wildebees se oorspronklike Sekelbospatroon was ’n bietjie te ligkleurig na my sin en volgens my mening meer geskik vir veld waar wintergrasveldkleure oorheers. Hierdie patroon is egter verander en deesdae kry jy die Sekelbosswart. Soos die vorige patroon, gebruik dit sekelbostakke en -blare, maar die agtergrond is veel donkerder. Dit is ideaal vir bosveld- of donkerkleurige terrein.
Ek het verlede jaar ’n stel Bosveldkamoefleerdrag ontvang om te probeer en ek dink hierdie patroon is beslis ook in die kol vir die bos. Die agtergrond is in skakerings van donkergrys en daar is min wit dele in die patroon. Ingesluit in die patroon is akasia-tipe blare en ook dié van combretum- boomspesies en bruin combretumsade. Die meeste mense jag in die winter wanneer daar minder groen blare in die bos is en die kaal takke baie donker vertoon, veral in skaduwee of in die laatmiddag en dan ook wanneer die son teen sekere hoeke op bosse en bome val. Kyk ’n bietjie op die meegaande foto’s hoe mooi die Bosveldpatroon saamsmelt met die donker takke.
Net soos die meeste tipes jagklere, is die Wildebees-langbroeke van die gevegs- of cargo- tipe. Hulle het twee gatsakke, twee heupsakke en dan twee dybeensakke (een op elke pyp). Behalwe vir die heupsakke maak die ander almal met knope toe. Die dybeensakke het twee knope elk.
Die hemde het ’n borssak op elke kant wat met Velcro toemaak. Kort- en langmouhemde is beskikbaar. Wildebees maak ook kortbroeke. Myne het ook ses sakke altesaam soos die langbroek, maar die verskil is dat die sakke met Velcro toemaak. Op elke dybeensak van die kortbroek is daar ’n ekstra klein sakkie (wat ook met Velcro toemaak) maar dis so klein dat ek dit nie as baie prakties beskou nie. Alle broeke maak met knope vas en het sterk ritssluiters.
WARM WINTERDRAG
Wildebees het ’n parka of dik winterbaadjie in die Bosveldpatroon. Dit het ’n kappie wat ’n vaste deel van die baadjie is. Daar is slegs een kleinerige borssak op die linkerkant wat vertikaal met ’n ritssluiter toemaak. Verder is daar twee skuins heupsakke aan die buitekant wat nie kan toemaak nie. Laag aan die binnekant van die baadjie is daar ook een sak aan elke kant. Nie een van hulle kan toemaak nie, maar die een aan die linkerkant het ’n kleiner opening, wat verhoed dat items wat jy daarin plaas maklik sal kan uitval. Hierdie is ’n lekker warm baadjie wat jou snoesig sal hou in die koudste winterweer.
Behalwe vir die normale hemde, broeke en baadjies bemark Wildebees ook verskeie t-hemde, boshoede en pette.
* As jy op soek is na kamoefleerdrag vir die jagveld, oorweeg gerus Wildebees se kwaliteit-produkte. Vir meer inligting, kontak Wildebees by 073796-2317 of besoek hulle webblad by www.wildebees.co.za.