MOEDELOSE JAGTER
As jagter wil ek graag my misnoeë uitspreek oor die stand van sake met betrekking tot die beskikbaarheid van koeëls en dryfmiddels. Ek jag met twee gewere, ’n .308 en ’n 6.5 Creedmoor. S365 is op sy beste sporadies beskikbaar en my gunstelingkoeëls is al vir maande lank nie op die rak nie. Ek moet dus nou van voor af begin met lading ontwikkeling wat beide gelde n tyd kos, en al doen ek dit, weet ek nie of dit die moeite werd is nie. Wat gaan aan met die winkels? Ons as jagters kan nie elke seisoen van kombinasie verander nie. Weet SA JAGTER dalk wat aangaan?
BENNIE WARNICH
Ons praat gereeld met die invoerders, groothandelaars en wapenwinkels oor die stand van sake met betrekking tot die beskikbaarheid van ammunisie, gewere en veral dryfmiddels, slagdoppies en koeëls. Die afgelope paar jaar suig die SuidAfrikaanse mark eenvoudig net aan die agterspeen teenoor die plaaslike markte van internasionale vervaardigers van die noodsaaklike jag- en skietitems wat ons hier nodig het. Volgens die invoerders werk hulle baie hard daaraan om die rakke vol te hou – dit is immers hulle en die handelaars se brood en botter. Op ’n positiewe noot kan ons rapporteer dat ons beplan om in die volgende uitgawe ’n produktoets van Lovex-drymiddelste publiseer. Lovex is dalk nie plaaslik so bekend nie, maar is ’n welbekende naam elders. Met die huidige stand van sake is dit ’n welkome toevoegsel tot ons herlaai-arsenaal. Ons hoop die situasie met invoere normaliseer spoedig. Ons deel jou pyn, Bennie. – Red.