WEN ’N JAG ter waarde van R100 000!
In die hart van die Kalahari se rooiduine vir jou en drie vriende.
Kort op die hakke van ons uiters suksesvolle buffeljagkompetisie bied ons ’n geleentheid waarna elke jagter smag – ’n jag in die Kalahari!
Daar is min plekke in SuiderAfrika wat ’n jagter se hart so vinnig laat klop as die Kalahari. Die rooiduine, oorverdowende stilte, versamelvoëls, kameeldoringen witgatbome, springbokke, gemsbokke en hartbeeste wat in jou geestesoog opdoem, laat jou hunker na dié bestemming wat hoog op elke jagter se wenslys is. Jagplek in die Kalahari is deesdae skaars en enigeen wat ’n gunstelingbestemming het, deel nie sommer die nommer van die eienaar met iemand nie. Wel, hiér is jóú kans!
Ons Kalahari-jagkompetisie het vroeg in November afgeskop. Die jag vind plaas van 22 tot 26 Mei 2024 op 34 000 hekta ar in die rooiduine van die Kalahari se hart, suid van Asken ham Van Zylsrus. Dit is iets vir die jagter wat dalk nie kans sien vir ’n buffel nie en ’n jag wat jou sleepwa se dravermoë sal toets. Die wenner kan drie vriende saamneem en elkeen kan ’n gemsbokbul en vier springbokramme jag. Die wenner en sy/haar maats kan stapjag, bakkiejag of beide. Die prys sluit R10 000 se brandstof in, die afslag van die bokke, die jagvoertuig, die dagtariewe en fooitjies aan personeel, asook R5 000 in kontant sodat die jagspan hulself kan trakteer op die beste biefstuk en iets te drinke. Alle koste word dus gedek. Ons gooi ook vir elke jagter ’n geskenkpakkie in die wenpot!
Die eienaar en gidse sal jou en die span bederf met tipiese Kalahari-gasvryheid – iets wat elke jagter minstens een keer in sy lewe moet beleef... Braai springboklewer en wors onder ’n kameeldoringboom, raak meegevoer oor die sonsopkoms en watertand vir die vooruitsig op die beste vleis by die huis...
Soos gewoonlik, kos die kaartjies slegs R100 en jy kan soveel koop as wat jy wil. Hou ons e-posse, SMS’e, webblaaie en sosiale media dop vir wenke oor aanlyn inskrywings. Alternatiewelik, betaal veelvoude van R100 in die SAJWV se rekening en gebruik jou selfoonnommer en KAL as verwysing. Ons stuur nie fisiese kaartjies uit vir hierdie tipe inskrywings nie. Jou naam word bloot aangeteken op die inskrywingslys. Al ons kompetisies word onder die vaandel van die Nasionale Loterykommissie (NLC) gedoen en hulle eksterne ouditeure monitor die trekking. Jy hoef nie teenwoordig te wees met die trekking nie. Ons sal jou bel as jy wen!
Hierdie is jóú kans om ’n biltongjag van ’n leeftyd te wen wat jy tot in jou oudag sal onthou. SKRYF VANDAG IN!
SKANDEER HIERDIE KODE: OF
Betaal jou veelvoude van R100 in by die SAJWV:
Absa (632005) Rekeningnommer. 01443990077 of 1443990077 (sommige banke aanvaar nie die “0” nie).
Verwysing: KAL en jou selfoonnommer
* Hierdie lotery is registreer by die Nasionale Loterykommissie (no. 00303/09)