Wyn vir die fees

Suid-Afrika se wonderstreek, die Kalahari, lewer altyd verrassings op, wat beteken daar is nooit ’n tekort aan inspirasie en nuwe idees nie. Dit laat die Oranjerivier Wynkelders (OWK) in die NoordKaap toe om ’n unieke aanslag te hê. Hul wynmaakfilosofie is ook eenvoudig: Goeie wyn begin in die wingerd. Die resultaat is puik wyne met hul eie unieke styl en persoonlikheid. Oor die jare het OWK al vir talle juwele uit dié wynskatkis gesorg.

LYRA IRSAI OLIVÉR-VONKELWYN

Hierdie premiumgehalte-vonkelwyn word gemaak van die Hongaarse Irsai Olivér-kultivar, waarvan daar net ’n klein hoeveelheid in Suid-Afrika is. Dit het geure van Turkse lekker en roosblare en is heerlik yskoud.

BONTSTAAN BRANDEWYN EN RONDSTAAN GIN

Met slim Afrikaanse handelsmerkname, wat net so lekker op die tong rol soos die produkte self, troon dié Noord-Kaapse brandewyn en jenewer kop en skouers uit in hul kategorieë. Die potketelbrandewyn sal jou laat Bontstaan om nog ’n sopie te geniet, terwyl die speseryagtige jenewer met sy kaneelsmake jou beslis ook sal laat Rondstaan vir meer.

OMSTAAN MUSKADEL-GESKENKBOKS

As daar ’n SA produsent is wat weet hoe om muskadelwyn te maak, is dit OWK. En dié kelder se eksklusiewe Omstaan-reeks wit en rooi muskadel is nou in ’n geskenkboks beskikbaar, wat ’n bederf soos min is.

THE HEDGEHOG CHENIN BLANC

Al langs die vrugbare oewer van die Oranjerivier vind jy 2 500 hektaar wingerd wat vir wyne van wêreldgehalte sorg. Geniet hierdie feestyd van die juwele uit die Oranjerivier Wynkelders se skatkis!

Hierdie organiese chenin blanc is ’n nuwe diamant van die walle van die Oranjerivier. Met geure van lietsjie, peer en koejawel is dié witwyn die perfekte pasmaat om yskoud te geniet by ’n somerfees of vir terugsit en ontspan op die stoep.

Besoek orangeriverwines.com/ vir meer.