HERWINBAAR EN BAIE MOOI
Die hergebruik ( upcycle) van produkte is nie bloot ’n nuutjie nie – dit is ook ’n noodsaaklikheid. Eko-bewuste wynverbruikers sal daarom die nuwe Protea-reeks van Anthonij Rupert Wyne waardeer. Dit bevat sewe wyne in bottels met eiesoortige patrone deur modeontwerper Mark Eisen, met etikette wat maklik in water afgeweek kan word. Só kan die bottels weer gebruik word as ’n estetiese houer vir water, olyfolie of slaaisouse. Wyne in die Proteareeks kan landwyd gekoop word vanaf R55 per bottel.