VARKNEK GEBAK IN TAMATIES EN ROOIWYN
GENOEG VIR 6 – 8 • 1 ontbeende varknek, sowat 1,5 kg • sap van 1 suurlemoen • sout en varsgemaalde swartpeper • 3 x 250 g-pakke rugspek • sowat 80 ml olyfolie • 1 ui, fyngekap • 1 selderystingel, in blokkies gesny • 3 knoffelhuisies, fyngekap • 2 x 400 g-blikke kersietamaties of
heel tamaties • 250 ml rooiwyn • 2 lourierblare
Verhit oond tot 180 °C. Plaas varknek in ’n bak. Gooi suurlemoensap oor en geur met sout en peper. Pak genoeg spek op ’n werkvlak om die nek in toe te rol. Maak seker die spekstukke oorvleuel mekaar. Plaas die varknek bo-op en rol dit stewig toe. Gooi helfte van olyfolie in oondbak en plaas varknek in. Sprinkel res van olie oor en plaas in oond. Oondbak sowat 30 minute oop tot spek mooi bros is. Haal uit en rangskik ui, seldery en knoffel om die varknek. Plaas terug in oond en oondbak sowat 20 minute tot ui sag is. Voeg tamaties, wyn en lourierblare by. Oondbak nog sowat 1 uur. Bedruip vleis nou en dan met van die sous. Haal uit en sit voor.