FILLODEEGPAKKIES
GENOEG VIR 4 Verhit oond tot 180 °C. Vlok 200 g gaar hoender in stukke. Voeg 30 ml basiliekruidpesto en 100 g gerasperde mozzarellakaas by. Geur met sout en varsgemaalde swartpeper. Plaas 4 velle fillodeeg op ’n werkvlak. Smelt 50 g (55 ml) botter. Smeer elke vel deeg met gesmelte botter. Vou elke vel in die breedte in die helfte. Verdeel hoendervulsel in vier porsies en skep ’n porsie op elke gevoude deegvel. Vou deegvelle toe soos ’n pakkie en plaas op ’n uitgevoerde bakplaat. Smeer gesmelte botter op elke pakkie en plaas in oond. Bak 30 minute tot goudbruin en bros.