HOENDER- TACOS
GENOEG VIR 4 Verhit oond tot 180 °C. Sny 400 g gaar hoender in klein stukkies. Plaas hoender in mengbak. Sny ’n 10 cm-stuk komkommer in klein blokkies. Sny 200 g klein rosatamaties in kwarte en voeg saam met komkommer by hoender. Kap 2 sprietuie, 1 knoffelhuisie en 1 groen brandrissie fyn. Voeg by hoender en meng goed. Voeg 125 g crème fraîche (suurroom) by en geur met sout en varsgemaalde swartpeper. Meng goed. Plaas 8 taco-skulpe op bakplaat en plaas in oond vir sowat 3 minute. Haal uit en plaas ’n paar stukke blaarslaai (van jou keuse) in elke taco. Skep van die hoender in en sit dadelik voor.