HOENDERKEBABS
GENOEG VIR 4 Verhit oond tot 180 °C. Sny 18 ontbeende hoenderdye sonder vel in blokke.
Meng 60 ml heuning, 60 ml korrelmosterd, 120 ml olyfolie en 2 fyngekapte knoffelhuisies saam in ’n mengbakkie. Geur met sout en varsgemaalde swartpeper. Gooi sous oor hoenderblokke en laat marineer sowat 30 minute. Ryg hoenderstukke op 4 kebabstokkies. Voer ’n bakplaat uit met foelie en plaas kebabs bo-op. Smeer nog marinade oor en plaas in oond. Oondbak 20 minute en draai kebabs dan om. Oondbak nog sowat 30 minute tot gaar.