HOENDER-MACARONI- EN-KAAS
GENOEG VIR 4 Verhit oond tot 180 °C. Kook 250 g macaroni volgens aanwysings op pak. Dreineer en hou eenkant. Smelt 55 g (60 ml) botter in ’n kastrol. Voeg 35 g (60 ml) koekmeel by en roer tot glad. Voeg 400 ml melk bietjiesgewys by en roer tot glad. Hou aan roer tot sous verdik het. Geur met sout en varsgemaalde swartpeper en voeg 200 g gerasperde cheddarkaas by. Roer tot kaas gesmelt het. Gooi sous oor macaroni en voeg 250 g gevlokte gaar hoender by. Meng goed en gooi macaroni in oondbak van 20 x 15 cm. Sprinkel nog 50 g gerasperde cheddarkaas bo-oor. Sny 2 groot tamaties in skywe en rangskik op macaroni. Plaas in oond en bak sowat 35 – 40 minute.