HOENDERBOUDJIEOOPBROODJIE
GENOEG VIR 4 Verhit oond se rooster-element. Plaas 4 snye Portugese brood op ’n bakplaat. Sprinkel bietjie olyfolie oor snye. Plaas onder rooster-element en oondrooster weerskante. Haal uit en pak sowat 5 babaspinasieblare op elke sny roosterbrood. Sny 2 tamaties in skywe en rangskik op spinasieblare. Geur tamaties met sout en varsgemaalde swartpeper. Plaas 1 warm gaar hoenderboudjie op elke sny roosterbrood. Plaas 1 skyf mozzarellakaas bo-op elke hoenderboudjie. Plaas terug in oond en rooster tot kaas gesmelt het. Haal uit en geur met
nog swartpeper.