HOENDERFRIKKADELLE
GENOEG VIR 4 Verhit oond tot 180 °C. Plaas 160 g witbrood in ’n voedselverwerker. Kap fyn tot krummels. Gooi krummels uit in ’n mengbak. Plaas 400 g ontbeende hoenderborsies sonder vel in voedselverwerker. Kap tot fyn en gooi by krummels in mengbak. Kap ’n hand vol pietersielie fyn en voeg by hoendermengsel. Voeg 1 gekapte ui, 2 fyngekapte knoffelhuisies en 1 geklitste eier by. Stroop blaartjies af van 2 takkies vars tiemie en voeg by mengsel. Geur met sout en varsgemaalde swartpeper en meng goed. Vorm 8 groot frikkadelle. Verhit sowat 60 ml olyfolie in pan en braai frikkadelle tot mooi bruin. Plaas op bakplaat en oondbak sowat 20 minute tot gaar. Sit voor met slaaiblare van jou keuse.