KLEIN HOENDER-FRITTATAS
GENOEG VIR 4 Verhit oond tot 180 °C. Vlok 500 g gaar hoender in klein stukkies. Plaas in mengbak. Krummel 3 wiele fetakaas en voeg by hoender. Voeg 10 geklitste eiers, 100 g klein gehalveerde rosatamaties, hand vol gekapte vars basiliekruidblare en 250 ml room by. Meng goed en geur met sout en varsgemaalde swartpeper. Smeer 8 holtes van ’n standaard-muffinpan met bietjie botter. Verdeel mengsel tussen holtes en plaas in oond. Bak 20 – 25 minute tot gaar. Sit warm voor.