QUESADILLAS
GENOEG VIR 4 Breek ’n halwe gaar hoender in stukke en plaas in mengbak. Voeg 30 ml fyngekapte groen brandrissie, 100 g gerasperde cheddarkaas en 100 g gerasperde mozzarellakaas by. Meng goed en geur met sout en varsgemaalde swartpeper. Plaas 4 tortillas op werkvlak en skep kwart van vulsel op elk. Plaas nog ’n tortilla bo-op elkeen en druk stewig vas. Verhit ’n kleefwerende pan wat groot genoeg is. Plaas ’n tortillapakkie in pan en braai tot mooi bruin. Draai om en braai ander kant tot bruin. Haal uit en hou warm eenkant. Herhaal met res. Sny in wiggies en sit voor met soet brandrissiesous.