OOP HOENDER BROODJIES
GENOEG VIR 4 Verhit oond tot 200 °C. Hou 8 repe van 250 g strepiespek (streaky) eenkant. Plaas die 8 repe op ’n bakplaat en oondbak tot bros. Kap res van spek in blokkies. Verhit sowat 60 ml olyfolie en braai spekblokkies tot bros. Dreineer op kombuispapier. Breek 8 gaar hoenderdye in stukkies in mengbak en voeg spek by. Voeg 200 ml mayonnaise, 200 g gerasperde cheddarkaas en 4 gekapte sprietuie by en meng goed. Geur met sout en varsgemaalde swartpeper en meng goed. Rooster 8 snye ciabattabrood en verdeel mengsel bo-op. Plaas op bakplaat en bak tot kaas gesmelt het. Haal uit en plaas 1 repie bros spek op elke sny.