BIERBROOD
Die geheim van hierdie brood is om dit in jou elektriese menger te maak.
GENOEG VIR 1 GROOT BROOD
• 375 G (670 ML) WITBROODMEEL • 1 X 10 G-PAKKIE KITSGIS • 375 ML BIER • 5 ML SOUT • 5 ML SUIKER
1 Verhit oond tot 220 °C. Plaas meel, gis en bier in bak van elektriese menger. Meng 2 minute by hoë spoed met mengspaan ( K-beater). Voeg sout en suiker by. 2 Meng nog 10 minute totdat deeg ’n bal vorm in die middel van die bak. Los deeg in bak en maak toe met kleefplastiek. Laat rys 30 minute op ’n warm plek of tot dubbel die volume. 3 Spuit ’n bakplaat met kleefwerende kossproei. Sif meel op ’n werkvlak en keer die deeg daarop uit. Sif ekstra meel bo-op. Vorm met vingerpunte ’n langwerpige brood. Tel brood versigtig en vinnig op en plaas in een beweging op voorbereide bakplaat. Plaas in oond en bak 45 minute. 4 Haal uit en sit warm voor met koue bier.